sankrantisambaralu

సంక్రాంతిసంబరాలు

సంక్రాంతిసంబరాలు

  ధనుర్మాసమనడంతో  

 సంబరాలుప్రారంభం                                                                  

రంగురంగులతో రమణులు దిద్దే

రంగవల్లులతో ఆరంభం

తిరుప్పావై ప్రవచనాలతో  

  గోదా సేవలు ప్రారంభం     

ముద్దులొలుకు  ముగ్దలుదిద్దే  

ముత్యాల ముగ్గులు  ప్రారంభం       

  ఇంటిని ఒంటిని అలంకరించుట

ఇంతుల కెంతో ఆనందం

గొబ్బిల్లంటూ గంతులేయడం

కన్నె పిల్లలకు సంతోషం

పండుగ కోసం పిండివంటలు

చేసే గృహిణుల సందోహం

అల్లుళ్ళతో  కూతుళ్ళతో

ఇల్లిల్లు సందోహం

 కానుకలిచ్చి  పంపించుటలో

అత్తమామలకు ఆరాటం

                          

పంటల కోతలు కుప్ప నూర్పులతో

రైతుల ఇళ్ళలో సంతోషం

గంపలకొలది దానముచేయుట

ఘనమని రైతులవిశ్వాసం

 బుడబుక్కలతో కొమ్మదాసరులతో

పల్లెవీదులలో సందోహం

హరిదాసులతో మేలుకోలుపులతో   

తెల తెల్లవారే తీరంద౦  

మరదలి వెంట పరుగులు పెట్టీ

బావల తీరు ఒక చందం  ఒకఅందం

బావాబావా పన్నీరంటు

తిప్పలు పెట్టుట ఒక అందం 

బంతి  పూలతో చేమంతులతో

పౌష్య లక్ష్మికి పేరంటం

 సంప్రదాయము ప్రతిబింభించే

సంక్రా౦తి పండుగ ఆనందం  

పెద్దలకోలుచుట,                                                                                                                                                                                                                              పధ్ధతి  నీర్చుట                

పండగ జరుపుట లసలర్ధం

ఒకరిని  ఒకరు గౌరవించుట

ఈ పండుగ లోని పరమార్ధం .

 చీరలు నగలు చూపుతు చూసే  

స్త్రీలలో ఎంతో ఉత్సాహం

పది మందితో పంచుకు తినుటే

 ఈ పండగలోని  పరమార్దం .

రావణకాష్టం రగుల్చుట కోసం

పిడకల దండల  పరిహారం

శ్రీమాతా

శ్రీ కరంబయినట్టి శ్రీ మాత నామమును
చింతన జేయు మానవుల నె పు డు
సిరి సంపదలను సౌ భాగ్యము ల నొసగి
చల్లగా తల్లియై సాకు  చు౦డు

శ్రీ మాత శ్రీ లక్ష్మీశ్రీ విద్య రూపమై
సృష్టి స్థితి లయలు జరుపు తల్లి
సన్నుతించు వారి సర్వకాలములందు
సంరక్షించు చుండి శాంతి నొసగు

శ్రీ  కంఠుని గూడి శ్రీ మేరు గిరి పైన
చిదగ్నిలో చిన్ముద్ర తోడ 
శివుని పర్యంకాన స్థిరముగా కూర్చుండి
 చల్లని తల్లిగా  కాపాడు  చుండు.

అమ్మ గా జగతిని ఆ దరించి బ్రోవ
అయ్యచే గరళాన్ని త్రా గించె  జనని
అమ్మ ప్రేమకెపుడు అవధులులేవనుచు
అమ్మచాటెను గదా అవని లోన
.
అమ్మ అయ్య లోని అర్ధ భాగము నొంది
అన్నియును తానయి ఆదరించు
అఖిల రూపములలో ఆవరించిన తల్లి
ఆద.రి౦చును జగతి నహర్నిశము   

సూర్యోదయం

నిత్యం చూస్తున్నా  నిష్చేష్టితులను జేస్తుంది

ప్రతి ఉదయం ప్రకృతిని పులకరింప.జేస్తుంది. 

జడమైన ప్రకృతిని చైతన్య  పరుస్తుంది 

స్వర్ణమయ కిరణాలను సర్వత్ర పరుస్తుంది

సుందరంగా జగత్తును  చూసి మురిసి పోతుంది

.

తూరుపు కనుమల పొత్తిళ్ళలో తొంగి చూస్తూ

ప్రతినిత్యం ప్రసవమైన  శిశువులా గుంటుంది.

తొలకరి

తొలకరి జల్లులు

మృగశిర  కార్తె  వచ్చింది
ముత్యాలజల్లులే తెచ్చింది

గ్రీస్మతాపము  తోడ
గోలపెట్టే జనుల
దాహార్తిని  తీర్చదలచింది

మబ్బులదండాన్ని                                                                                                                                                                                         మంత్రమేసికదిపి
మట్టి వాసనలనే తెచ్చింది
రైతన్న.కలలను
నిలబెట్టతనవంతు
సేవ జేయగా ముందుకొచ్చింది
చిటచిటలాడినా
చిరు జల్లులే తెచ్చి
మనసులను
మురిపింప జేసింది.